atataP

Aurrekoan BehekoSolairua ``Nekazaritza eta Modernitatea´´ zikloko jardunaldietara  joan nintzen. Bigarren zatia, Emmanuel Lizcano,  oso interesgarria iruditu zitzaidan. Patata aitzaki hartuta, tradizioan eta modernitatearen arteko desberdintasunak aztertu  zituelako.

Bi ezagutza mota daude: abstraktua eta lokala. Abstraktua egungo ezagutza zientifikotzat definitzen da, teknokraziak bultzatzen eta defendatzen duena: ezagutza modernoa. Lokala , aldiz, ezagutza herrikoia da, belaunaldiz transmitzen dena; ezagutza kolektiboa. Ezagutza transmititu egiten da komunikazio horizontala izanik; patatak lur azpian egiten duen moduan. Bata bestearen kontra aurkitzen dira, abstraktuak ezagutza herrikoa  zapalduz.Patataren goiko aldea ezagutza zientifikoa eta behekaldeko,lur azpian, ezagutza herrikoia.

Gasteiz inguruko herrietan gauza bera gertatu da, ezagutza herrikoia(lurreko ezagutza,nekazaritza, ohiturak…) ez du transmisiorik;oso urria da. Hiriko buruzagiak ezagutza zientifikotan oinarritu dira, herrietan erreparatu gabe, arazoak konpontzeko. Azkenean bi ezagutza elkarren-kontra izan dira. Zientifikoak lekua hartu du baina oraindik ezagutza  herrikoa bizirik dago. Ezagutza herrikoia bizirik irauteko egungo gizartean alternatibak sortu behar dira; berme hori  proiektuarekin  lortuz.

Patataren metaforaren inguruan gogoeta eginez  arkitekturan jada antzerako adibide bat aurkitzen da; Alejandro de la Sotaren Dominguez Etxea .Kasu honetan beste zentzu batean. Eero Saarin-en ondorengo metaforan datza bere idea, eta ondorioz, etxe honen zentzua: gizakiaren bizitzeko espazioa lurrazaletetik bi zatitan banatutako esfera batekin aurkeztu daiteke.

Lur azpian geratzen den esfera erdiak atsedenerako eta erreflexiorako gunea adierazten du (gaueko gunea,logelak,espazio pribatua) eta lurrazaletik gora geratzen  den beste erdiak gizakiaren aktibitatea(eguneko gunea,sukaldea,egongela,jangela); ideia berriak garatzeko eta gizakiak naturarekin, eguzkiarekin eta airearekin bat egiten duen gunea.

Bere esanetan, gizakiak zenbat eta pentsamendu askeagoa eduki, orduan eta gehiago urrunduko da lurretik eta deskantsurako beharra duenean, orduan eta gehiago ondoratuko da lurrean.